Алғашқы күн маңызды: тыныс алу жолдарының ауруларын уақытылы емдеңіз

Жедел респираторлық аурулар көбінесе вирустардан туындайды. Көп жағдайда олар жеңіл өтеді және өздігінен жазылады, бірақ айтарлықтай қолайсыздық тудыруы мүмкін. Сондықтан алғашқы белгілер пайда болған сәтте-ақ емдеуді бастау маңызды. Бұл науқастың жағдайын жеңілдетіп, сауығу процесін жылдамдатуға көмектеседі. Сонымен қатар, бұл суық тию аясында пайда болуы мүмкін асқынулардың қаупін, бірақ олар сирек кездесетін болса да, азайтуға мүмкіндік береді.

Қарапайым суық тию — бәрімізге таныс ауру

Қарапайым суық тию – әрқайсымыз бастан өткерген ауру. Тұмау ретінде белгілі жоғарғы тыныс жолдарының инфекциясын шамамен 200 түрлі вирус (негізінен риновирус тұқымдасы) тудырады, сондықтан біз кез келген жаста суық тиіп ауыруымыз мүмкін және кейде маусым ішінде бірнеше рет сырқаттанамыз. Балалар жылына 10-12 рет суық тиіп ауыруы мүмкін, ал иммунитеті мықтырақ ересектер бұл ауруға 2-4 рет қана шалдығады.
Қарапайым суық тию әртүрлі вирустардан туындағанымен, ол әдетте жоғарғы тыныс жолдарына әсер ететін ұқсас белгілермен көрінеді. Ең жиі кездесетін белгілерге әлсіздік пен жайсыздық, дене қызуының сәл көтерілуі, мұрынның бітелуі, тамақтың ауыруы және бастапқыда құрғақ болып, кейін ылғал қақырық шығатын жөтелге айналады.
Қарапайым суық тию әдетте ауа-тамшы жолдары арқылы (түшкіру, жөтелу немесе тіпті сөйлесу кезінде), сондай-ақ тікелей жанасу арқылы немесе ластанған заттарды қстау арқылы таралады. Сондықтан бұл ауру өте тез және оңай жұғады.
Суық тию көбінесе өздігінен 7-10 күн ішінде жазылады. Алайда, егер белгілер нашарлай бастаса, міндетті түрде дәрігерге қаралу қажет. Өйткені емделмеген жағдайда ауру асқынып, синусит, тонзиллит немесе құлақ инфекциясы сияқты асқынуларға әкелуі мүмкін.

Суық тиюді емдеу

Суық тию кезіндегі ең маңызды ұсыныстар:

• көбірек демалу,
• сұйықтықты көбірек ішу,
• қабынуды жеңілдету,
• симптоматикалық емдеуді қолдану.

Егер симптомдар ауыр болса, оларды жеңілдету үшін тиісті дәрі-дәрмектерді және иммундық жүйені қолдайтын, инфекциямен күресуге көмектесетін препараттарды таңдау ұсынылады. Өсімдік негізіндегі препараттар - суықтың белгілерін жеңілдетіп, тезірек қалпына келуді қолдау үшін жақсы әрі өте тиімді шешім болып табылады.

Мұндай препараттар көп бағытты әсер етуі мүмкін: қабынуға қарсы, вирустардың көбеюін басады және иммундық жүйені нығайтады, осылайша инфекциялардың ауырлығы мен ұзақтығын азайтады. Олар алғашқы белгілерден бастап суықтың әрбір кезеңінде әрекет етеді және ағзаны инфекциялармен табиғи түрде күресуге ынталандырып, асқыну қаупін азайтады.

Сонымен қатар, қосымша қызуды басатын, қабынуға қарсы, қан тамырларын тарылтатын, жөтелге қарсы және қақырық түсіретін препараттарды қолдануға болады. Суық тиюмен күресу үшін ағзаңызды қосымша D дәруменімен қамтамасыз ету де пайдалы. Тамақтың инфекциясы үшін симптомды жеңілдету және шырышты қабаттарды дезинфекциялау үшін дәрі-дәрмектерді қолдануға болады.

#ДеніңізСауболсын #ТынысжолдарыныңДенсаулығы #Тонзилгон #Суықтиюдің Алдыналу