«Жоғары деңгейлі» аналарға арналған кеңестер

Сіздің балаңыз бірінші сыныпқа барады - оның өмірінде жаңа кезең басталады. Осы қиын уақытта оның сенімді көмекшісі болуға тырысыңыз! Балалар бәрін өзінше қабылдайды. Сондықтан сабырлы болыңыз. Жұмыс үстеліндегі көршінің бантиктері немесе асханадағы бәліштер туралы әңгімелерді тыңдауға тура келеді. «Мұның бәрі бос сөз. Сабақта не болды?» Сіз үшін бұл «бос сөз», бірақ бірінші сынып оқушысы үшін - жаңа өмірдің қызықты бөліктері.

Баға, әрине, маңызды, бірақ білімге деген қызығушылық әлдеқайда маңызды. Балаңыз қанша бестік немесе «күн» белгісін алды деп алаңдамаңыз, оның үйренгеніне қызығушылық танытқаныңыз жөн. Және оның жетістіктерін басқа балалардың нәтижелерімен салыстырмаңыз - әркімнің даму қарқыны әртүрлі

«Біз» есімдігінен неғұрлым тезірек бас тартсаңыз, бала үшін соғұрлым жақсы. «Біз мектепке барамыз» деген сөз тіркесінен аулақ болыңыз. Мектепке сіздің балаңыз барады! Сондықтан кешке өз сөмкесін өзі жинауы керек (бастапқыда сіз байқатпай көмектесе аласыз), таңертең – өзі киінуі, ал мектептен кейін – сабақ жасауға өзі отыруы керек

«2 қыркүйек синдромы» деген термин бар: оқу жылының басында сырқаттанушылықтың өсуі байқалады. Балалардың бір бөлмеде жиналуы инфекцияның таралуына жағдай жасайды, әсіресе стресс аясында. Ал егер сіз балаңыздың ЖРВИ немесе суық тиюмен ауырғанын қаламасаңыз, оның иммунитеті туралы алдын ала ойланыңыз

Балаңыздың денсаулығы мен жетістігі сіздің қолыңызда!