Көктемгі ағзаны жаңарту: иммундық жүйеңізді нығайтыңыз

Көктем көпшілігіміз үшін жаңа бастамалармен және айналамызды ретке келтіруге деген ұмтылыспен көрінеді. Біз терезелерді жуамыз, сөрелерді жинастырамыз, жаңа шешімдер қабылдаймыз, жоспар құрамыз және жазға дайындық ретінде сыртқы келбетіміз бен дене бітімімізге көбірек көңіл бөле бастаймыз.

Ұзақ әрі қиын қыстан кейін біз көбінесе денсаулығымызға қамқорлық жасау туралы шешім қабылдаймыз. Бұл әсіресе осы кезеңде өзекті, өйткені күз бен қыс артта қалғанымен, көктемде инфекциялар әлі де жиі кездеседі, сондықтан біздің иммунитетіміз қосымша қолдауды қажет етеді.

Біз неліктен көктемде ауруларға бейім боламыз?

Әдетте, вирустық аурулар маусымы күз бен қысқа сәйкес келгенімен, көктемде де біз жоғарғы тыныс жолдарының суық тиюіне жиі ұшыраймыз. Бұл біздің иммундық жүйеміздің әлсіреуіне және инфекцияларға сезімталдығының артуына байланысты.

Қыста D дәруменінің жетіспеушілігі туындауы мүмкін, өйткені күн сәулесінің аздығы оның теріде жеткілікті деңгейде түзілуіне кедергі келтіреді. Сонымен қатар, ағза басқа да пайдалы заттардың тапшылығын сезінеді, өйткені күзгі-қысқы мәзір көктемгі рационға қарағанда аса бай емес – жаңа піскен жемістер мен көкөністер аз болады. Сондай-ақ, қыста көптеген адамдар ауыр әрі майлы тағамды жиі тұтынады, бұл ішек микрофлорасын – иммундық жүйенің маңызды құрамдас бөлігін – бұзуы мүмкін.

Суық және қараңғы айлар стресс деңгейінің артуымен және көңіл-күй тұрақсыздығымен байланысты, бұл лимфоциттердің түзілуіне және иммундық жүйенің жұмысына кері әсер етуі мүмкін. Суық мезгілде адамдар дене белсенділігін төмендетеді, нәтижесінде метаболизм баяулап, иммунитет әлсірейді.

Сонымен қатар, суық тию немесе тұмаудан кейін иммундық жүйе әлсіреп, қалпына келуді қажет етеді. Осы факторлардың барлығы көктемді суық тию қаупі жоғары маусымдардың біріне айналдырады.

Көктемде иммундық жүйені қалай нығайтуға болады?

Қыстан кейін иммунитетіміз әлсіреп, жоғарғы тыныс жолдарының инфекцияларына сезімтал болатынымызды түсіне отырып, алдын-алу шараларын ертерек қолға алып, вирустармен күресте иммундық жүйені қолдайтын факторларға назар аудару маңызды.

Біріншіден, тамақтану рационына көңіл бөлу және оның әртүрлі болуын қамтамасыз ету. Жаңа піскен жемістер мен көкөністер, сондай-ақ ашытылған өнімдер күнделікті рационның ажырамас бөлігі болуы тиіс, өйткені олар ағзаны қажетті дәрумендермен қамтамасыз етіп, ішек микрофлорасын қалпына келтіруге көмектеседі, осылайша инфекциялардан қорғайды. Сонымен қатар, D дәруменіне бай өнімдерді тұтыну керек және қажет болған жағдайда оны қосымша қабылдау мүмкіндігін қарастырған жөн.

Екіншіден, физикалық белсенділікке көңіл бөлу қажет. Міндетті түрде қарқынды жаттығулар жасаудың қажеті жоқ; көктемде таза ауада тұрақты серуендеу де қан айналымын жақсартып, иммундық жүйені қолдайды, әсіресе күн сәулесінің астында жүрсеңіз. Сонымен қатар, йога сияқты байсалды жаттығулар ағзаның қалпына келуіне ықпал етеді.

Толыққанды ұйқы, су теңгерімін сақтау және стресстен аулақ болу да иммундық жүйені нығайту үшін маңызды. Су ішу кестесі ағзадан токсиндерді шығаруға көмектеседі және шырышты қабықтарды ылғалдандырады, бұндай күйде олар ағзаға енгісі келген микробтардан жақсырақ қорғана алады.

Маған суық тиіп қалды, әрі қарай не істеуім керек?

Кейде барлық алдын-алу шараларына қарамастан, вирус иммундық жүйемізді айналып өтіп, біз көктемде суық тиіп ауырып қаламыз. Мұндай жағдайда не істеу керек?

Ең бастысы – аурудың алғашқы күндерінен бастап әрекет ету.

Дұрыс емделу вирусты жеңуге және сауығу процесін айтарлықтай жылдамдатады. Суық тию кезінде әдетте мұрынның бітелуі, тамақтың ауыруы, жөтел, бас ауруы және дене қызуы сияқты белгілерді жеңілдетуге арналған дәрілер қолданылады. Алайда, иммундық жүйені қолдайтын құралдарды да қолдану өте маңызды.

Аурудың алғашқы күндерінде және ағзаны күзгі-қысқы маусымнан кейін қалпына келтіру үшін табиғи өсімдік негізіндегі препараттарды қолдану тамаша шешім. Оларды суық тиюдің кез келген кезеңінде, алғашқы белгілер пайда болған сәттен бастап-ақ қабылдауға болады. Мұндай препараттар екі жақты әсер етеді – олар вирустардың көбеюін тежеп, иммундық жүйені нығайтады, осылайша аурудың ағымын жеңілдетіп, оның ұзақтығын қысқартады.

#КөктемдеДеніңізсауболсын #ИммунитеттіНығайту #ДеніңізСауболсын #Тонзилгон