Тамақтағы ауырсыну — фарингит пе, әлде бадамша бездер үлкейген бе?
Тамақтағы ауырсыну — өте жиі кездесетін белгі, ол көптеген аурулармен, көбінесе жоғарғы тыныс жолдарының инфекцияларымен қатар жүреді. Ең жиі себебі — вирустық инфекциялар (70–90% жағдай), бірақ бактериялық инфекциялар да болуы мүмкін.
Фарингит пе, әлде тонзиллит пе?
Екі ауру да шырышты қабықтың инфекциясымен және қабынуымен сипатталады: ісіну, қызару, бөлінділер және ауырсыну.
Фарингит — тамақтың артқы қабырғасының қабынуы, көбінесе вирустық шығу тегі бар. Бұл белгі суық тию ауруларымен бірге жүреді.
Тонзиллит — бадамша бездердің қабынуы. Вирустардан да болуы мүмкін, бірақ көбінесе бактериялық инфекциямен (А тобы стрептококктары) байланысты. Негізгі тән белгілері: бадамша бездердің ісінуі мен қызаруы, кейде ақ жабынның болуы, жұтынғанда қатты ауырсыну, дене қызуының 38 °C-тан жоғары болуы, жалпы әлсіздік, бұлшықет ауыруы, лимфа түйіндерінің ұлғаюы. Көбінесе мектепке дейінгі және мектеп жасындағы балаларда кездеседі.
Тамақтағы ауырсынудың басқа себептері
Егер ауырсыну жиі қайталанса немесе ұзақ уақыт сақталса, келесі себептерді қарастыру қажет:
- Темекі түтіні
- Ауаның ластануы
- Рефлюкс кезінде асқазан сөлдерінің тітіркендіруі
- Аллергия
- Дауыс байламдарының шамадан тыс жүктелуі
- Механикалық жарақаттар
Тамақтағы ауырсынуды қалай емдеуге болады
Ең алдымен емдеу себепке бағытталуы тиіс. Белгілерді жеңілдету үшін:
- Залалсыздандыратын, ауырсынуды басатын және қабынуға қарсы әсері бар соруға арналған таблеткалар, спрейлер және шаю ерітінділері
- Шырышты қабықты ылғалдандыратын және жұмсартатын препараттар, ал қатты ауырсынуда — жансыздандыратын әсері бар құралдар
- Демалу, көп сұйықтық ішу, ауаны ылғалдандыру, тітіркендіргіштерден аулақ болу
Өсімдік препараттары
Өсімдік тектес құралдар белгілерді жеңілдетуге және иммунитетті қолдауға көмектеседі. 7 өсімдіктен тұратын құрамдар (түймедақ, жалбызтікен, мыңжапырақ, емен, қырықбуын, бақбақ, жаңғақ) қабынуға қарсы және вирусқа қарсы әсер көрсетеді, иммундық жүйені нығайтады, сауығуды жеделдетеді және қайталану қаупін төмендетеді. Оларды жеке ем ретінде немесе бактериялық тонзиллит кезінде кешенді терапия құрамында қолдануға болады.
Қолданылған әдебиет тізімі:
- Wosikowski және т.б. «Имупрет (Тонзилгон) респираторно-синцитиальды вирустың репликациясын тежейді және in vitro және in vivo жағдайында иммуномодуляциялық қасиеттер көрсетеді». GA meeting, Мюнстер, Германия, 2013, Постер 48.
- Hostanska және т.б. «LPS және/немесе IL-1 ß әсерінен стимулданған A549 тыныс жолы эпителий жасушаларында интерлейкин-8 (IL-8) және адам бета-дефензин-2 секрециясын өсімдік формуласы (BNO 1030) арқылы тежеу». Journal of Ethnopharmacology, 134 (2011), 228–233 беттер.
- Popovych және т.б. «Clinical Phytoscience (2021) 7:15»,
